വീണയുടെ ക്രൂക്കഡ് പ്രയോഗം; കിടിലൻ മറുപടിയുമായി അമൃത!

ബിഗ് ബോസ് സീസണിൽ ഇത്തവണ ഒട്ടനവധി ടെലിവിഷൻ താരങ്ങൾ മത്സരാര്ഥികളായി എത്തിയിരുന്നു. പ്രേക്ഷകർക്ക് പ്രിയങ്കരരായ സീരിയൽ താരങ്ങൾ മുതൽ, റിയാലിറ്റി ഷോയിലൂടെയെത്തി മലയാളികളുടെ മനസ്സ് കവർന്ന ഗായകർ വരെ മത്സരത്തിൽ പങ്കെടുക്കാൻ എത്തിയിരുന്നു. അതിൽ പ്രേക്ഷകരുടെ ഇഷ്ട താരങ്ങളായ വീണ നായരും, അമൃത- അഭിരാമി തുടങ്ങിയവരും ഉണ്ടായിരുന്നു.

ഷോയിൽ എത്തിയപ്പോൾ മുതൽ ഇരു ടീമുകളായി നിന്ന് കൊണ്ടാണ് ഇവർ മത്‌സരിച്ചത്. പരസ്പരം വാക്കേറ്റങ്ങൾ പതിവും ആയിരുന്നു. ഇപ്പോൾ ബിഗ് ബോസിൽ നിന്നും പുറത്തിറങ്ങിയ താരങ്ങൾ തമ്മിൽ പരസ്പരം സ്നേഹം പങ്ക് വയ്ക്കുകയും ഒപ്പം ഇഷ്ടക്കേടുകൾ തുറന്നു പറയുകയും ചെയ്യുന്നുണ്ട്.

ടൈംസ് ഓഫ് ഇന്ത്യ ഓണ്ലൈന് നൽകിയ അഭിമുഖത്തിനിടയിലാണ് വീണ നായർ അമൃതയോടുള്ള ഇഷ്ടക്കേടിനെ കുറിച്ച് തുറന്നു പറഞ്ഞത്. അമൃത ക്രൂക്കഡ് ആണെന്നും, അവർ വന്നതിൽ പിന്നെയാണ് ബിഗ് ബോസ് വീട്ടിലെ പ്രശ്നങ്ങൾ സങ്കീർണ്ണം ആയതെന്നും വീണ പറഞ്ഞിരുന്നു. മാത്രമല്ല അവരുമായി ഇനി പൊരുത്തപ്പെട്ടു പോകാൻ സാധിക്കില്ലെന്നും വീണ കൂട്ടിച്ചേർത്തിരുന്നു. ഇപ്പോൾ വീണയുടെ ആരോപണത്തിന് മറുപടി നൽകുകയാണ് അമൃത സുരേഷ്.

വീണയുടെ അഭിമുഖം അടങ്ങിയ ടൈംസ് ഓഫ് ഇന്ത്യ പത്രത്തിന്റെ ഫോട്ടോ പങ്ക് വച്ച് കൊണ്ടാണ് അമൃത ആരോപണങ്ങളോട് പ്രതികരിച്ചത്. ഈ മനോഹരിയായ സ്ത്രീയ്ക്ക് ആശംസകളും, പ്രാർത്ഥനകളും എന്നാണ് അമൃതയുടെ പ്രതികരണം.

Be the first to comment

Leave a Reply

Your email address will not be published.


*